The Story Behind The Run
We always have self-doubt if you are a high achiever because when we try to go to the next level and there is thought we are not good enough, but that’s okay because that means we are hungry and we are committed to elevating ourselves..
If u want to run, run a mile! If u want to experience a different life, run a marathon !
一班人慶功熱鬧過後，終於可以細味今日比賽始末！
本來完成名古屋馬應該係一年前既事，因為種種原因上年缺席，我係留級生了！上年見到個個參賽既師姐都得到Tiffany 鏈就更加🍇，所以我今年決心要得到它！
來左名古屋頭兩日都天朗氣清，雖然天氣預報講明今日會落雨，但都想有一點點既奇蹟出現！與朋友一早6:45集合到名古屋巨蛋，初時都見有陽光，但到左8點幾上線時已經變左陰天😭😭😭😭
準時9:10起步，我個H區要十多分鐘先到start點，兩萬幾個女士同時跑步，場面相當震撼。起跑時就著便利雨衣保暖，跑左3k開始覺得熱，就好有型咁掉左！不幸係6k就開始落雨，個心一路後悔掉左件雨衣，個口情不自禁叫左聲shit就繼續跑了！望吓錶做緊6:40-6:55，係我target time再快d，頭半馬就係咁進進出出水站就好快過，不過個肚開始餓，25k前都可以做到發夢跑。噢，沿途市民叫聲很大，真係令人特別精神，真係感激佢地沿途既打氣聲同民間補給品！！！
25-30k，體力開始有點跌，但仍可以維持6:55左右配速，補給開始有solid food， 可以邊跑邊食，但鞋襪已經開始濕，見到水tum 仲識得避，風亦都有點大！
30-34k，真正開始打大佬，由30k倒數其實都仲有12k，下次唔會30k倒數，太早啦！去到既地點冇乜人，建築物又差不多，我開始唱歌tum自己🤣，34k有條斜路，本身淨跑條斜路冇難度，但係呢個位就有點辛苦，盡量唔俾自己停既我都行左半條!!!
35-39k，經過我地住既hotel，真係想返去訓覺算啦，雨又大個人又攰，胡思亂想左一陣有條斜落，正，輕鬆休息一下！又係進進出出水站就到啦！呢個時候餓到食gel有d反胃，而且見到水tum都唔識避，對鞋🙈🙈🙈🙈
40-終點，人生最長既2.195k，好想衝埋佢，但快d個陣又頂唔順，而且計左數個個位已經會sub5又未能445，咁就慢慢來囉！返到dome門口42k之後個200m好似人生咁長，但我見到finish個字已經開始喊！終於完成人生第一隻全馬，阿媽，我得左啦！仲要係比我預期好既4:55:10
一諗起要攞Tiffany 鏈同埋靚仔禮服男，即刻收拾心情，擺好靚樣，影相selfie…..唔攰囉！就係咁樣我終於名馬畢業啦！😘😘😘😘😘
“終於完成人生第一隻全馬，阿媽，我得左啦！”
